शिक्षा

चुकीची शिक्षा किती किती अघोरी..

जणू काही नियतीनं सारेच दरवाजे बंद केले आहेत माझ्यासाठी.

सारेच हक्क नाकारले गेले आहेत मला..

हक्क, आनंदाचा, स्वातंत्र्याचा, स्वप्नांचा, प्रेमाचा, प्रकाशाचा..

जीव गपगार होऊन पडला आहे या कोंदट वातावरणात..

श्वास घेणंही अवघड होत चाललंय क्षणोक्षणी..

 जिवंत राहील का मी.. आणि चुकूनमाकून वाचलाच जीव या साऱ्यातून पार होऊनही;

 तरी प्रकाशाची दारं होतील का खुली माझ्यासाठी पुन्हा एकदा..?

  उद्याचा सूर्योदय येईल का घेऊन माझ्याही आयुष्यात नवी पहाट..?

 मिळेल का मला हक्क माझं आयुष्य माझ्या मर्जीनं जगण्याचा, पुन्हा एकदा..?